سؤال محيرني بجد ::::::::::::::::::::::::::::
احنا ليه بنحب نفسنا قوي كدة ؟؟؟؟
رغم كل المساوئ اللي ماليانا من فوق لتحت
الا اننا بنحارب في الناس علشان نكوش علي كل حاجه لنفسنا
مجرد سؤال :: مش عارفله اجابه
او بقوله بس من احباطي ويأسي
لنا الله
مرسلة بواسطة كوكو الضعيف في
٥:٣٩ م
4 تعليقات:
ى سنة الحياة يا عزيزى
غريزة بشرية لم يتخلص منها الا القلائل
ومع تحديات العصر محاولة الظهور وسط كم هائل من اللامعين
لابد من ان تتحرك دوافع النفس الضعيفة للضغط على صاحبها
ليبذل كل ما فى جعبته للظهور
ولو على حساب ودم أخيه
هى دى بقا الأعراض الجانبية لما يسمى العولمة
العولمة المعنوية
مأخبيش عليك
أنا واحدة من الناس اتأذيت كتير ومن ناس كتير حتى هنا فى التدوين
رغم ان كل ما افعله هو مجرد التعبير عن وجهة نظرى وليس لأى مخلوق حق التدخل لدى لتغييرها وأن مكانتش عجباه ممكن يسيب المكان ويمشى
لكن ازااااااااى؟؟
لازم شوية شتائم وتجريحات واهانات من العيار التقيل
لدرجة بأحس انهم بيعملوا كدة لمجرد لفت النظر اليهم
لكن على حسابى وحساب مشاعر الزوار من رؤية كلام جارح زى دة؟؟؟
=====
لسنا ملائكة
ولسنا شياطين
ومن منكم لم يخطىء
فليلقها بحجر
لكن يا ريت نبص لمساؤنا أولا قبل نقد وتسفيه الآخرين
حنكسب كتير
شهروزة
مبدأيا انا سعيد انك شفرتيني وبتفكي شويه من علي رقبتي الحبل اللي هاسس انه هايخنقني وهو حبل مش عارف هو ايه او بتاع مين لكني حاسس بخنقته
صدقيني انا لست منه هواة الدعايه لنفسي او ما شابه فوالحمد لله حباني الله بقدر معقول من الرضا ويعيب علي الكثيرون انني لا اجيد التسويق لنفسي
ولكني ااسف كل يوم علي احداث واشخاص يفعلون كل ما في وسعهم فقط لكي يصلوا الي اهدافهم حتي لو كان ذلك علي رقاب البشر ، وأؤكد ان ذلك يؤسفني بشدة
ولست ملاكا ولا حاجه ولكني اري في الرفق بالبشر والصبر علي ما نريد والرضا بما قسمه الله قيم غاليه لو طبقها المجتمع كله لأصبحنا اقوي المجتمعات
عزيزتي من فرط حبنا للمادة والحياه وكل مظاهرها اصبحنا لا نهتم كثيرا بمشاعر الاخرين
وادي ذلك الي حاله من فقدان الثقه لدي الناس في بعضهم البعض
واشعر كثيرا بذلك الاحساس ويؤلمني ان لا اشعر بالامان داخل وطني وبين زملائي وبين اهلي
اذن الي اين اذهب واين اعيش
انا انسان بطبيعتي ابحث عن الهدوء وعن الاستقرار والامان وهي امور اصبحت لا اشعر بها كثيرا هذه الايام ولا اعلم ماذا افعل والي اين اذهب اشعر بالضياع والخوف
طيب يا اخي احمد ربنا إننا لسه بنحب نفسنا ...فيه ناس سر عذابها في الحياة انها بتكره نفسها
محمود بيه ماجد
سؤالك دة خلاني افكر
هو الواحد المفروض يحب نفسه ولا يكرهها ؟
ولو في الحالتين غلط ،الواحد المفروض يتعامل مع نفسه ازاي؟
سؤال محتاج اجابه
إرسال تعليق
الاشتراك في تعليقات الرسالة [Atom]
<< الصفحة الرئيسية