كوكو الضعيف

2008-03-29T18:21:00.003+02:00

امتي خانتني وخدعتني .... وداعا يا حلم العرب !!!!
.
.
.
.
.
.
.
جميلة هي الاحلام ... ولكن اليقظة غالبا ما متكون مؤلمة لنا ... فقط لانها تجعلنا نتيقن من ان الواقع لا تغيره مجرد الاحلام ولكن الواقع يحتاج الي العمل والجهد .. اما الحلم فدوره ان يرسم لي ولنا طريقا نسير فيه يحدد لنا هدفا نسير نحوه ... لا ان نسير بلا هدف ولا حلم
حلمت انا طويلا بامة عربية قوية متقدمة متطورة تقود العالم الي توازن بين المادية واعلاء القيم الروحية والدينية
وهذا اعتقادي الاصيل ... وهو ان التقدم والتنمية يجب ان تستند الي عاملين اساسيين وهما التنمية المادية وايضا التنمية الرحية البشرية والتي تعني بالعامل الانساني البشري
ولكن بعد ما يقرب من 30 عاما من الاحلام استيقظت فجأه لكي اجد حقيقة مفزعة ومخيفة ...
الحقيقة اننا متخلفون ... الحقيقة اننا مستبدون
نحن متخلفون لاننا نعتمد بشكل اساسي علي انتاج غيرنا ولا ننتج ... نحن نعتمد علي زراعة غيرنا ولا نزرع ..
نحن مستبدون .. من يجلس علي كرسي الحكم لا يريد ان يتركه
بعد الرسول (ص) ليس هناك انبياء وطالما ليس هناك انبياء فلنحكم نحن البشر انفسنا .. نحن البشر .. بكل صفاتنا البشرية الناقصة
نحن الذين نخطأ احيانا ونصيب احيانا ... ولا يجب ان يتم تصوير اي بشر بعد الرسول (ص) علي انه نبي بلا اخطاء
لا يجب ان ندعي وسط الازمات الطاحنة التي تلم بكل افراد المجتمع ان رئيس الدولة بلا اخطاء
رئيس الدولة والذي هو رأس النظام هو المسئول الاوحد عن كل معالم الفشل التي تلم بالمجتمع
يجب عليه ان يرحل ... يجب عليه ان يعترف بالفشل .. ليس اليوم فقط ... ولكن بفشل كل السياسات التي اتخذها منذ 1981 والتي ادت بالبلد الي هذا الحال من الترهل والتخلف والتبعية
يجب عليه وعلي من يحيطون به ويتعونه ان يعترفوا بانه بشر .. وان ما نعانيه اليوم كمصريين هو من فعل ايدهم
يجب عليهم ان يتركوا مصري اخر يحكم هذا الوطن ... احتراما لقيمة هذا الوطن وقيمة المواطن
نحن المصريين لسنا قصر .. نحن واعون وبالغون ومدركون لكل حقائق الامور
وانتم لستم اوصياء علينا
لقد فشلتم بعد 30 عاما من الاستبداد .. والان عليكم ان ترحلوا .. ترحلوا لانكم فشلتم .... وتلك هي الحقيقة المجردة
ولا يزيد من دهشتي الي هذا الخضوع والخنوع والرضا السلبي الذي يقدمه الشعب المصري لحاكمه الطاغي
ليس هكذا تبني الامم ... تبني الامم بالمحاسبة لكل بشر يخطيء ومعالجة الاخطاء من بشر اخر واخرين كثيرين
ومن هنا تأتي ضرورة تداول السلطة بين اشخاص مختلفين بافكار مختلفة برؤي مختلفة
الدقيق البلدي متوفر وتلك حقيقة ادركها
وما تعانية كافة جنبات الدولة المصرية الان من ازمة طاحنة هو نتيجة مباشرة لقرارات سياسية حكومية خاطئة
علي تلك الحكومة ان تتخلي عن فكرة المخابز البلدية والتي لنا معها تاريخ طويل من الازمات المتكررة والسلبيات التي استعصت علي علي مدار عقود كثيرة .. الدقيقة يسرق والخبز سيء والمواطن يعاني والحكومة تتوسع في انشاء المخابز
هذا امر ضد العقل والمنطق ومصلحة الشعب
علي تلك الحكومة ان تقدم الدقيق للمواطن بشكل مباشر وهو حر فيه .......... يخبزه .. يبيعه ... يأجره هو حر
هذا هو الحل الوحيد لتلك الازمة وليس هناك حل اخر
وعلينا ان نقتنع بذلك
اما ما تفعله الحكومة الان فهو من وجهة نظري سيناريو محكم لوضع مصر علي حافة الازمة فقط لكي يبرز نجم جمال مبارك علي انه حلال العقد المصرية المستحكمة وتقديمه للشعب علي انه الانسب لكي يكون رئيس مصر القادم
وانا احذر من الان ان تولي جمال مبارك لمقاليد الحكم في مصر خلفا لوالده ما هو استمرار لوالده في الحكم وهو في التراب
ما نحتاجه في مصر هو ديموقراطية حقيقية وتغيير لهذا النظام الذي لم يقدم لمصر الا كل فساد وتخلف وجوع وفقر وفوضي
انا مصري واحب مصر والمصريين ولا يجب ان يدعي احد ممن هم في السلطة الان انه مصري اكثر مني ... لانهم جميعا يسرقون قوت هذا الشعب ومن يسرق احدا .. بالضرورة لا يحبه ولا يعمل لصالحه

2008-01-26T12:48:00.000+02:00

الشرفاء يتساقطون ..... واللصوص ..يتحولون ويتكاثرون وينقسمون ..ولا عزاء للمصريين

فقدت مصر واحدا من اغلي الرجال ... واشرف الرجال ....وافضل الرجال ... الدكتور / عزيز صدقي
بهذا الاقتباس من بيان الرئيس الرحل انور السادات عن وفاة الرئيس الراحل جمال عبدالناصر .... حيث لا أري فرقا كبيرا بين جمال عبدالناصر الثوري الوطني المصري عن فقيد اليوم / د عزيز صدقي
هذا الرجل الذي خدم مصر وزيرا للصناعه وقدم لمصر مصانعا عديدة اهدت مصر الريادة والتطور والتنمية والرخاء لأبنائها
هذا الرجل الذيب كان اصغر رئيسا للوزراء ... لا اري في فقدانه الا استمرارا لرحيل الشرفاء عن ارض هذا الوطن الضائع بين سلبية مواطنيه وقلة ضمير قادته .. لقد كان هذا الرجل الذي لا اعرفه سوي من فترة قصيرة ضميرا قلما يحمله شباب مصر اليوم .... هذا الرجل الذي لم يمنعه كبر سنه من المعارضة والمعارضة بقوة ضد هذا الاستبداد
وهكذا يستمر السيناريو ... رحيل للشرفاء
أما اللصوص الذين ينهبون قوتنا ورزقنا ... فلا يزالون يرتعون علي ارض هذا الوطن ويتكاثرون ويتحولون مثل الكائنات الدقيقة يستنزفون مقدرات هذا الوطن ويسرقون قوت هذا الشعب المسكين ... اما انتم ايها المصريون فلكم الله
رحم الله الفقيد .... واكثر الله لنا من امثاله الذين نحن في امس الحاجة اليهم

2007-11-20T16:23:00.000+02:00

الحب كلمة من حرفين من غير كلام يقولوها اتنين

كلام جميل وحلو وطعمه حلو وشكله حلو لكن زي ما بيقول اخواننا السواقين ما بياكلش عيش

عايز تحب املي جيوبك يا حلو علشان ربنا هايكرمك باللي تفضيهولك

وتمشي بقي سعادتك متبخترا ومتمخترا ومتنيل علي عينك رايح فين ؟؟ رايح للحته .. او رايح للمقطورة .. او رايح للجماعه علي حسب نوع الثقافة اللي سعادتك بتنتمي ليها

بصراحة كدة ومن غير لف ولا دوران الحب انتهي
اللي عايز يحب يتفرج علي الأفلام القديمة ويشوف الناس كانت قد ايه رومانسية ومستمتعه بكل لحظة في حياتهم

احنا بقي ربنا يتولانا

اصل هي كدة .. مفيش حد بياخد كل حاجة

هما كان عندهم راحة البال والرومانسية والهدوء والمواصلات فاضية والرغيف كبير بس كان عايشين علي لمبة جاز وياكلوا علي وابور الجاز

اما احنا بقا احفاد بيل جيتس فلدينا كل التكنولوجيا التي تمكنا من ان نعيش ونمارس كل حياتنا عن بعد بالريموت كنترول كلها راحة وانتخه وتفخيد ولكنها حياه يا اعزائي المناضلين بدون هدف ولا معني ولا رائحة

حاجة كدة مالهاش ملامح

محدش عارف هو عيز ايه بالظبط ولا هو عايز يبقي ايه بغض النظر عن الجانب المادي

الطموح كله دلوقتي بقه عبارة عن زكايب فلوس متعبية باحكام وعربيات اخر موديل ومزارع واراضي وعمارات دون رضا.....................

في حد راضي دلوقتي .. اللي معندوش عايز يبقي عنده .. واللي عنده عايز يبقي عنده اكتر

البركة في الرأسماليه اللي حلوتنا من بشر الي الات كل هدفها تحقيق المال ولو كان علي حساب اي شخص مهما كان قريب

ويقولك ايه ؟؟؟ راس المال مالوش قلب .. طبعا مالوش قلب .

اللي يبيع المصريين ويعيشهم في الجحيم دة علشان ثروته تكبر حتي تعدت 40 مليار جنيه يبقي مالوش قلب ولا ضمير ولا ينفع يبقي بني ادم

ربنا يرحمنا منكم ... يعني نهرب من الاشتراكية وويلاتها والحاكم الواحد والحزب الواحد وزوار الفجر لكي نجد انفسنا مباشرة علي موعد مع اكلي لحوم البشر اللي هما الراسماليين الجشعين اللي عايزين ياكلونا احياء

رحمنا الله برحمته وصبرنا علي مصائبنا التي لا تنتهي

الحمد لله ان انا لسه عايش لغاية دلوقتي

الاكتئاب هو منفس يخرج به الله تلك البراكين الغاضبه من داخلنا حتي لا ننفجر

2007-06-08T19:18:00.001+02:00

هنئوني .... انا علي وشك الحصول علي لقب مزور صغير !!!

....
.....
.......
.........
.......
....
..

طوال حياتي الماضية التي اراها طويله جدا ... عرف عني كرهي الشديد للنظام الحاكم في مصر ومدي رفضي لكل ممارسات الاستبداد التي يمارسها النظام في مواجهة شعبه ..... وعرف ايضا انتقاداتي الحادة لكل من يشترك في تزوير ارادة الشعب ليبقي علي هذا النظام الفاسد من شعر رأسه الي اخمص قدميه ...
ولم اكن اتوقع ابدا ان اصبح يوما من الايام مجبرا علي القيام بذلك .
بالفعل هذا ما حدث او علي وشك الحدوث
بصفتي موظف حكومي فقد تم استدعائي للاشراف علي انتخابات التجديد النصفي لمجلس الشوري
وما ان عرفت الخبر حتي تلقيت كل هذا القدر الكبير من السخرية من كل من يعرفوني ويعرفون توجهاتي
مدعين انني سوف اكون واحدا من اولئك الذين كنت انتقدهم يوما من الايام
لا استطيع ان انكر ان الامر استوقفني كثيرا واستفزني الي اقصي درجة
هل انا مجبر بالفعل علي تنفيذ تعليمات امن الدوله او امن النظام في تنفيذ التزوير
لا اعرف ... انا شاب في مقتبل العمر ولا زال امامي الكثير لافعله
اريد ان اكون نفسي ... اريد ان اتزوج ... اريد ان احقق احلاميوطموحاتي
ولكن هل سيدعني هذا النظام انفذ ذلك حقا ؟
لا اعرف ... فتلك لا تزال تجربة جديدة علي... لا اعرف قدر الضغط الذي ساتعرض له
انا في غاية التوتر والقلق .... انا الان اري نفسي بين خيارين
اما ان تعيش مزورا لارادة هذه الامه وتبقي هذا النظام الفاسد المستبد علي راس الناس... ويتركوني اعيش بكرامتي
واما ان اعبر عن رفضي لمثل هذه الممارسات وامتنع ان ادائها تحت اي ضغط وليكن ما يكون
وعلي اثر ذلك فلأتحمل كل التبعات التي قد تصل الي انهاء عملي الحكومي والبقاء في الشارع مع اخوتي واخواني الشباب الذين يتمتعون بالبطاله
اعتقد انني الان في لحظة تحول خطيرة في حياتي
سوف يتحدد علي اثرها كيف ساكون ... وكيف ساعيش
لا اعرف .. هل سارضخ للضغوط واصبح مزورا .... ام سارفض واصبح تبع اليد البطاله ؟
ربنا يستر والايام القادمة اكيد سوف تحضر الاجابه بجعبتها

2007-04-02T22:20:00.000+02:00

مين اللي طفا النور ؟؟؟؟

بعد غياب طويل .... بعد ان اغرقتني الحياه بهمومها ومشاكلها التي لا تنتهي ابدا .... عدت .

عدت .... لا اعرف لماذا عدت بعد ان بدا الياس يتسرب الي نفسي ... ما جدوي كل مانفعله .. لا احد يستمع الينا .. لا احد يهتم بنا .. لا احد يتاثر بانيننا ... ونحن شباب هذه الامه ونحن وقودها للتنميه ..... ماذا عسانا نفعل بعد الان وقد ثبت بالدليل القطعي انه " مفيش فايدة " رغم كرهي الشديد للياس لانه الحياه تعني الامل ... ولكني للاسف لا ازال اري هذا الامل يبعد عن منالنا شئً فشئً ..

قالوا نبغي الديموقراطيه ومشاركة الشعب .. وفرحت كثيرا لتلك الدعوه وكنت ممن تاثروا كثيرا بدعوات الدكتور / علي الدين هلال الي تحديث مصر والخروج الي مجتمع اكثر شفافيه وتقدما واقتنعت للاسف بسذاجة غير مبررة سوي لايماني بمدي نزاهة هذا الرجل

ولكن .... للأسف الشديد وقعت يا دكتور علي في مصيدة السلطة وغرتك المناصب وعملت كمسؤل رائع للعلاقات العامه لتمرير السم الي عقولنا .... لم اكن اتوقع ذلك علي الاطلاق منك انت تحديدا .. لقد كنت انت مثلي الاعلي في النزاهه وحب الوطن .

لا اعرف لماذا عملت ذلك .. ولا احب وليس من طبعي ان اتهم احدا دون دليل قطعي اراه بعيني

ولا اري الان الا ان الرئيس ورجاله استطاعوا ان يغرروا بك ويستغلوا احترام الناس لك لا لشئ سوي لكي ينفذوا ما يريدون

قلتم يا قراصنة الحكم في مصر انكم تريدون حوارا مجتمعيا .. وقد كان ومذا فعلتم انتم تركتم الناس تتحدث وتحلم وتغوص في بحور الوهم

وفي نهاية الامر حكمتونا بسياسة نحن نحكمكم باغلبية مجلس الشعب ..... مجلس الشعب اي شعب ؟؟؟

الشعب الذي اكلتم حقه وقوت يومه واغرقتوه في الازمات والمصائب والكوارث ومياة المجاري ... بينما انتم تركبون السيارات الفارهه وتقطنون الفيلات والشاليهات ....

انا يائس من هذه البلد ... يائس من ان تتحرك الناس لكي يغيروا من قتل الحلم في نفوسهم .. لكي يغيروا من يحكمهم علي غير رغبتهم .. لكي يغيروا من يعيشوا في نعيم البلد وثرواته الطائله ويتعللوا لنا بالزيادة السكانيه .

انا يائس من ان يفكر الرئيس في مصلحة الناس ...

انا يائس من د / فتحي سرور الذي كاد الكرسي الذي يجلس عليه ان يلتصق به من طول بقائه رئيسا لمجلس الشعب

اتركوها لو انكم تتمتعون بشحيح من النزاهه

اتركوها الان لو انكم تتقون الله فينا نحن الشباب الذين استطعتم ببراعه فائقه ان تقتلونا وتقتلوا الامل فينا

نحن نحب هذا الوطن بحق .. نحن نملك رؤيه افضل منكم .. نحن نملك الحماس الذي تفتقدون انتم اليه .... نحن نريد ان يعيش كل شعب مصر كما يستحق .... نحن نشعر بمعاناة الناس والمهم ... نحن لا نريد البقاء للأبد علي كراسي الحكم ... نحن المستقبل يا سادة يا محترمين

اخاطب من هنا كل مصري شريف نزيه يحترم نفسه يجلس علي كرسي سياسي او نقابي او حزبي

عليك ان ترحل بعد زمن معين ... عليك ان تعطي الفرصه لغيرك ان يحب هذا الوطن .. ان يقدم ما لديه لصالح الناس الفقراء الغلابه

البلد دي فيها اطيب ناس ... لكن للاسف فيها برضه اللي بيستعبط الغلابه دول اللي مش عايزين من الدنيا الا انهم يعيشوا مستورين

ديموقراطيه ... مشاركة شعبيه ... حراك سياسي ..كلها مصطلحات اتضحك علينا بيها فقط لكي يبقي السيد مبارك علي مقعده ثم من بعده السيد جمال مبارك ثم من بعده السيد هيثم جمال مبارك الخ .....

انا اعلنها من الان وانا لا شيئ سوي شاب مصري بسيط .. ليس لي اي انتماء سياسي الي اي جبهه .. لن اسكت ولن اتوقف عن توصيل الحقيقه الكامله للناس عنكم وعن الاعيبكم .. واستطيع ان ابشركم من الان ايامكم معدودة يا سادة

لن نذكركم سوي بكل سوء وكل افتراء وكل ظلم للناس وسرقه لقوتهم

والسلام

2007-01-28T17:39:00.000+02:00

سؤال محيرني بجد ::::::::::::::::::::::::::::

احنا ليه بنحب نفسنا قوي كدة ؟؟؟؟

رغم كل المساوئ اللي ماليانا من فوق لتحت

الا اننا بنحارب في الناس علشان نكوش علي كل حاجه لنفسنا

مجرد سؤال :: مش عارفله اجابه

او بقوله بس من احباطي ويأسي

لنا الله

2007-01-15T15:55:00.000+02:00

حاسب ... الإخوان المسلمين هيعضوك !!

ليس هذا عنوانا لمسرحيه هزليه علي احد مسارح الولايات المتحده التي نعرف ان لديها تار بايت بينها وبين الاسلام بكل تياراته واتجاهاته ...لا ليس كذلك

بل هو في واقع الامر عنوان لأسخف حمله اعلاميه شنتها اجهزة الاعلام الحكومي ضد جماعة الاخوان المسلمين في مصر بمناسبة التعديلات الدستوريه التي تهدف في معظمها الي تكريس الفكر السلطوي المركزي لصالح النظام القائم .

علي الرغم من انني لم انتمي في يوم من الايام لا سياسيا ولا حتي فكريا الي هذه الجماعه .... وهذا ليس عيبا في او فيهم ...

ولكن هناك فرق كبير بين ان تعمل في سياسة اليوم بكل متغيراته وبين الادعاء بانك المسئول عن الاسلام في البلد كلها وكان من يعارضه سياسيا هو خارج عن المله او ما شابه

فنحن اذا لن نخرج من عبائة احتكار السلطة الذي نعاني منه منذ عقود طويله ، الا انني رغم ما سبق وجدتني مذهولا بكمية الحماقه والسخافه وغياب الفطنه علي كافة مستوياتها .... في ما تقوم به كافة وسائل الاعلام الحكوميه الحزب وطنية من هجوم ضاري ومكثف ضد جماعة الاخوان المسلمين وتصويرهم للمجتمع وكانهم بعبع سوف يبتلع الناس في الشوارع .. قال وايه كمان سوف يهدد كل المكتسبات الوطنية التي حققها الوطن ... قال وايه كمان .. سوف يحتكرون السلطه في مصر ولن يسمحوا بتداول امن وسلمي للسلطه في حال وصلوا لسدة الحكم ... انا مش مصدق ان الاخوان المسلمين هايعملوا كدة يا اخي ... هو في حد في الدنيا ممكن يعمل كدة ...

تصدقوا بالله انا لما سمعت الكلام دة في الاول فكرتهم بيتكلمواعن مصايب الحزب الوطني التي لا نحتاج لاحد لكي ينشط لدينا القدرة علي التخيل علشان نخاف منهم ....

احنا بالفعل يا اخواننا في الحزن الوطني نعاني من تصرفاتكم الحمقاء والمتخلفه كل يوم وكل ساعه ولا نري بعبعا ابتلع مصر في بطنه سواكم ...

اريد ان اوجه رسالة صدق لكم يا رجالات السلطه ... نحن نحب الاخوان .. لانهم اقرب لنا منكم يا حفنة لصوص ... انهم يقدمون لنا وهم جماعه محظورة ما لم تستطيعوا انتم ان تقدموه وانتم تحكمون مصر منذ ربع قرن .... وبامكاننا ان نتحمل وصول الاخوان المسلمين الي السلطه طالما تحملناكم ... فلم يعد لدينا بفضلكم ما نخشي عليه لقد دمرتم بكفائه نادرة اي بصيص للامل في نفوسنا في ان نعيش حياه كريمه دون ان نهان ونسرق كل يوم ....

قال ايه الاخوان المسلمين هايكلونا قال .... ياكلوا فينا ايه ده احنا بقينا عضم علي لحم والحمد لله ... اولادنا مشردون علي القهاوي .. مرتباتنا لا تكفي رغيف العيش اللي كله مسامير ... فواتير الكهرباء والمياه والتليفون قضت علي المرتب ..اصبحنا في رحلة غير مضمونه العودة اذا فكرنا نركب قطار او باخرة ...والمصايب لا حصر لها ...

... اعزائي الديكتاتوريين السلطويين الوصوليين ... عفوا .. لقد نفذ رصيدكم من المصداقيه ... نحن نصدق العفريت ولا نصدق كلمه واحدة من شفاهكم التي تعفنت من الكذب علي هذا الشعب المسكين ...

من الاخر .. نحن لا نحبكم .. ولا نصدقكم .. ونعلم يقينا انكم انتم من سرقتم قوتنا .... ايها الحزب الضعيف بدلا من ان تهاجموا الاخوان المسلمين وهم جماعه محظورة .. عليكم ان تقووا انفسكم من الداخل ... وما تفعلوه الان ليس الا تعبيرا صادقا عن الخواء الذي يملأكم

ليس لديكم برنامج ولا فكر ولا استراتيجيه للخروج من هذا المستنقع الذي اوقعتمونا به ....

كفاكم كذبا وانصحكم ان تفعلوا خيرا وتتركوها لغيركم فهو بلا جدال افضل من تلك الحاله المترديه التي وصلنا لها والفضل لكم يا سادة يا محترمين

كفاكم هدرا لمقدرات الشعب ... بدلا من انتاج ساعات طويله من البرامج الاذاعيه والتليفزيونيه_ الذي ندفع نحن الشعب ثمنه _ في مهاجمة الاخوان المسلمين والذين ترونهم تهديدا لكم ولاستمراركم علي قلب البلد وقلبنا ... اعملوا بالفلوس دي حاجة مفيدة ، جوزوا بيها شاب ولا اتنين حتي تبقوا عملتوا خير ربنا يفتكرهولكوا وانتم بتتحاسبوا علي كل مليم بلعتوه من دم الشعب

ولكي الله يا مصر

2007-01-06T19:04:00.001+02:00

انا نفسيتي تعبت من البلد دي

بصراحة أنا ماعدتش قادر احب البلد دي !!

انا خلاص قرفت بلا حكومه بلا رئيس جمهورية بلا زفت علي دماغهم .

البلد اللي نظامها يسمح بحدوث القرف دة .. أحسنلها ترجع لحياة البدو والتخلف أحسن من القرف دة

عمال يقرفونا بالشرطة وكل سنه عيد الشرطة واموال للشرطة وزيادة مرتبات الشرطة ... علشان ايه ؟؟؟!!

علشان يبهدلوا فينا ويعذبونا ويتنططوا علينا .

دة ايه البلد الزباله دي ؟

انا احسنلي اروح اعيش في الصومال واخد حقي بدراعي وابقي عارف ان هو ده اخري ، من اني افضل كل يوم اتقرف بكلام اقل حاجة انه هيجيبلي الضغط والسكر وكل الامراض المستعصيه .

ما تستغربوش ... دي بالظبط الحاله اللي جتني بعد ما اتفرجت علي كليبات جديدة للتعذيب في قسم شرطة مصري

انا الحقيقه لا زلت اتذكر تعليق الرئيس الامريكي علي الطريقة اللي اتشنق بيها صدام حسين " كنت اتمني ان يعدم صدام بطريقه اكثر وقارا "

دة تعليقه علي اعدام مستحق لجزار قتل من شعبه وزملائه الالاف .... يبقي ايا كان الذنب اللي اقترفته البنت اللي في الفيديو انها قتلت .. حتي لو قتلت اعتقد اننا اتهرينا كلام من نوعية دولة القانون وسيادة القانون .. امال هو القانون يشتغل بس لما يبقي مش من حق النائب العام انه يمنع ممدوح اسماعيل من السفر بحجة انه لم يستدعي التحقيق معه او علي زمة قضيه ولما تبقي المساله كرامة الانسان المصري داخل جدران وطنه يبقي مفيش قانون

يا اخي ينعل ابو البلد اللي تمشي بالشكل دة

انا تعبت ...... ومش عارف ازاي هاقدر اقوم بعد بكرة من النوم واروح الشغل في المخروبه اللي اسمها الحكومه

منهم لله (وائل عباس و دماغ ماك )

ربنا يسامحهم علي الحاله النفسيه المطينه اللي الواحد فيها دلوقتي

اما الاشكال الزباله اللي في كل اقسام الشرطة اللي لا تتهاون في اذلال الناس واهدار كرامتهم كل يوم وكل ساعه فربنا يولع فيهم حريقه لا تطفئها مياه الدنيا كلها حتي يكونوا عبرة لمن يستهين بكرامة انسان

انا اسف اني هضطر احط وصله للفيديو بس مفيش حل عندي غير كدة

http://www.youtube.com/watch?v=VhQRFz65M6s

http://www.youtube.com/watch?v=ZQom4edkHkw

2006-12-29T10:42:00.001+02:00

الفنانه الشابه منه فضالي كنت في العادة اشاهدها في السابق كمشروع فنانه جيدة ولم يكن هناك اي معلومات تدعوني لان اتخذ ضدها موقفا معينا دون غيره ... يعني كانت المسأله عادي جدا ...

ولكن بالأمس فقط شائت الأقدار أن اجلس امام التليفزيون لأشاهد ما ينطبق عليه كلمة " مسخرة "

المسخرة كانت بطلتها بلا جدال هي الفنانه الشابه التي لم يمضي عليها سوي بضع سنوات قليله في الفن واصبحت تطل علينا وتتعامل علي اساس انها نجمه سينمائيه كبيرة .

تفاصيل المسخرة حدثت في برنامج لا اذكر اسمه بالضبط علي قناة روتانا سينما اعتقد ان اسمه قد يكون يوم من عمري او ما شابه

البرنامج يقوم بتصوير يوم كامل او مقتطفات من يوم كامل يعيشه ممثل او ممثله معينه وان كان المعتاد ان يكون الممثل شابا واعتقد انه جزء من سياسة المحطة في تقديم الوجوه الشابه في برواز شكله حلو

ما علينا بدأت الحلقه وتستضيف الممثله الشابه ثلاثه من اصدقائها بنت واحدة وشابين

صدمني ان تظهر فتاه مصريه علي شاشة التليفزيون قائلة صاحبي" أوسسي " كيف يقبل هذا الاوسسي ان يكون هذا اسمه من فتاه علي شاشة التليفزيون ... هذا بالطبع امر مرفوض وان قبل هو ذلك فليكن بينها وبينه وليس علي شاشات التليفزيون .

الامر التاني : وان كان من دواعي الشفافيه والمكاشفه ان لا نخفي ما يحدث في الواقع وهو صداقة الشباب والبنات فعلي تلك الفتاه ان تراعي اولا مشاعر الاغلبيه العظمي من الشعب المصري الذي ينتمي الي وسط محافظ ، وان تراعي ايضا سمعتها كبنت والتي اري انها تأثرت بشكل كبير من هذا المظهر الغير لائق .

ثاني حلقات المسخرة هي جلسة تلك الفتاه علي الاريكة التي كانت تجلس عليها وهي رافعة ساقيها في وضع غير مريح ليس في وجود شابين غريبين عنها بحكم الشرع بل في وجود الملايين من المشاهدين الذين يرون في هذا الوضع خروجا سافرا عن تقاليد الادب والاحترام والتي هي شيمه تميز ابناء هذا الشعب المحترم عن غيرة من المدعين والمتأمركين .

اخر حلقات المسخرة كانت عندما ذهبت لاختيار علي ما يبدو فستانا لاحد مشاهد المسلسل الذي تقوم به وكانت الصدمة جد عظيمه عندما دخلت الممثله المحترمه جدا والمتربيه جدا الي غرفة اختيار الملابس وبداخلها شاب عصري جدا وجميل جدا وذو شعر طويل يغطي عينيه واذا بالفتاه تسلم عليه ثم ..... قبلات ... ما هذا الذي يحدث ؟؟

هل اصبحنا فاقدين لأدني معايير الأدب والأخلاق ؟؟ وان حدث هذا للعامه فكيف يحدث لمن كنا نعتبرهم قدوة مجتمعيه ؟؟

لا يمكن ان نسمح لمثل تلك النماذج السيئه ان تقود مجتمعنا فنيا وثقافيا ، قد تكون تلك عاداتهم نحترمها ونقدرها .. ولكن لا يمكن ان نذهب الي دور السينما لكي ندفع لهم الملايين ... هؤلاء لا يستحقون منا غير كل ازدراء وتهميش ..

مصر دوله كبيرة جدا يا جماعه .. وبجد حرام الي بيحصل فيها وتحت اسمها .... الاحترام والتدين كانوا ولا يزالوا _ علي الاقل علي المستوي الشعبي _ سمه اساسيه ومن مكونات هذا لشعب منذ فجر التاريخ وحتي الان .... لا يجب ان نشجع مثل تلك النماذج الوقحة تحت مسمي الحريه الشخصيه والتحضر وخليك كوول وما الي ذلك .... هذا المجتمع يمر بأزمة خطيرة ومنحني ربنا يستر علينا من نهايته

اذا لم نتحرك لاستعادة منظمة القيم المفقودة .... فعلي مصر السلام

2006-12-25T22:40:00.000+02:00

تضامنا مع المدونين التونسيين

2006-12-21T22:04:00.000+02:00

أين الحياه الجميله ؟؟؟ سؤال ..و محاولة اجابه !!

في خضم كل تلك الأحداث المتسارعه هذه الأيام .. ووسط كل تلك المشاعر المتناقضه التي نشعر بها بين اللحظه والأخري تنتابني مشاعر خوف وقلق وحيرة .

مشاعر الخوف مصدرها كل تلك القسوه التي أضحينا نتعامل بها مع بعضنا البعض ونتعامل بها مع قضايانا ومشاكلنا ،، يؤسفني أن أدعي أننا لم نعد نستطيع أو بإمكاننا الإستمتاع .. ليس لذلك الإستمتاع من وجهة نظري أي علاقه بمستوي إقتصادي أو مشاكل سياسيه أو قضايا دوليه .

الإستمتاع كان دوما سمه من سمات الانسان المصري رغما عن تدني المستوي الاقتصادي لمستويات قياسيه في عهود الاحتلال المختلفه ... لوكن ما يحيرني حقا هو هذا الكم من الاستمتاع الذي يتحدث عنه ابائنا وامهاتنا في عصور سابقه

اذن ليس للمر علاقه بتدني الدخول او ما شابه ... ولكننا اصبحنا نري في القسوة علي بعضنا البعض شيئا من الوطنيه .... رغم رؤيتي ان ما آلت اليه الأمور في مصر سببها الرئيسي هو انعدام الوطنيه والانتماء .. نحن لم يعد بامكاننا ان نري غدا افضل او امل في الحياه الكريمه ... هذا غير جيد وغير صحي .. علينا ان نتمسك بالامل في الاصلاح .. فمصر دوله عظيمه بطبعها وبحكم التاريخ ولن تسير الامور من وجهة نظري علي هذا المنوال طويلا .

لم اكن انوي في واقع الامر ان اتحدث في اسباب ذلك التشاؤم الذي نلمسه بين بعضنا البعض ... لم يعد باستطاعتك ان تركب التاكسي دون ان تتبادل الحديث عن سرقة المال العام من فلان وعن فلان الذي اختلس كام مليار وهرب وعن فلان الذي يحتكر السلعه الفلانيه وتحولت ثروته في سنوات قليله الي مليارات .

كل ذلك التركيز علي موضوعات تبعث علي التشاؤم والاحباط اخشي ان تكون له ابعاد اكبر مما نتخيلها .

لست اتحدث هنا عن التغاضي عن موضوع كهذا ولكن .... علينا ان نتحول .... علينا ان نتغير ... علينا ان نبحث عن الامل ..

هناك من يقول ان الحكومه والنظام الديكتاتوري هو السبب وراء كل شيء.... اختلف مع تلك الرؤيه ... فهناك الكثير من الاشياء التي تحض علي الاحباط وليس للحكومه اي تدخل فيها بل نحن السبب المباشر والوحيد ورائها ... وعلي سبيل المثال لا الحصر :

هل الحكومه هي التي فرضت علينا نحن الشباب ان نقدم شبكه ذهبيه للعروسه ثمنها كام الف في الوقت الذي نناضل فيه لايجاد فرصة عمل ب 250 جنيه .... لا اعتقد !

هل الحكومه هي السبب وراء ارتفاع الاسعار الغير مبرر .... لا اعتقد .. بل هو جشع بعض ابناء هذا المجتمع .

وعلي هذه الشاكله هناك حاله من الياس والتشاؤم المجتمعي لا تعجبني ولا تسعدني واراها خطيرة جدا علي امن هذا المجتمع ربما اكثر من التوربيني وعصابته ... علينا ان نكون اكثر وعياً بمشكلاتنا وبسبل حلها .

__ نقطة اخري وددت ان ادونها وهي ان مصر في حاله صعبه هذه الايام وتلك حقيقة لا ينكرها احد ... ولكن الخروج من هذه الحاله لا يمكن ان ينتجه شباب يائس او محبط او متشائم ... بل هو شباب متفائل ولديه من الامل واليقين باحلامه ما يدفعه للتغاضي عن تلك المنغصات و السعي لتحقيق امله وامل المجتمع باكمله في النهوض والتطور

سلام بقه وكل سنه والامه الاسلاميه بالف خير بمناسبة عيد الاضحي المبارك

2006-12-08T00:03:00.000+02:00

الشرطة المصريه ... بتخنق في الناس ... ليه ؟؟

هذا ليس في الواقع سؤالا ابحث له عن اجابه وانما هو استنكار وتعبير عن شديد الغضب الذي اشعر به الان وشعر به كل من شاهد هذا الفيديو من اسرتي واصدقائي واقاربي الذين احرص كل الحرص علي جعلهم يشاهدون مثل هذه المشاهد القاسيه والتي تعبر بصدق عن مدي استحقار هذا الجهاز للشعب المصري .
ليس هناك تعبير اخر غير الاستحقار هو ما يحضر في ذهني الان للتعبير عن تلك الحاله من الاستهانه بكرامة الناس وادميتهم واحترامهم لنفسهم ، مش عارف اقول ايه ... انا بجد يا جماعه واللهي حزين .
انا لحد جامعه ويمكن لحد دلوقتي عندي امل في التغيير للاحسن .. بس للاسف انا لما بشوف المشاهد دي .. بقول انا بشتغل لمين ؟؟ لدول ... اللي لا يتهاونوا للحظه في اهدار كرامتنا وكرامة اصدقائنا واخواننا واهالينا .... معلش يا جماعه انا اسف ... انا شايف ان التغيير صعب ..ز صعب جدا حد بني ادم يوصل للمرحله دي في انه يعمل في الناس اللي هو عايزه بدون حساب وبعدين نيجي نكلمه عن حق المواطن المصري في الانتخاب او تحديد من يمثله في مجلس الشعب او حقه في الحصول علي رغيف عيش ادمي او كوب ماء نظيف .
الحكومه اللي بتعامل الناس بالشكل دة في اقسام الشرطة المسئوله عن امان المجتمع ... يبقي عمرها ما هتكون حريصه علي مرافق ولا اكل ولا شرب ولا اي نيله للناس ... من الاخر هما شايفين انهم هبة السماء لهذا الشعب الحقير ... اللي ماتعلمش زيهم ولا ابوه عنده فلوس زي ابوهم ولا اي حاجة .. انا مش عارف اقول انا قد ايه قرفان ومخنوق من البلد دي واللي بيحصل فيها .
لو الناس بعد كل دة شايفين ان حسني مبارك هو احسن واحد حكم مصر ... انا مستعد اقوم بعمليه انتحار مصورة من علي كوبري قصر النيل .. علشان اوصل للراحة الابديه اللي مش ممكن هشوفها الا لما اقابل ربنا ...

اعتقد ان الثورة وعبد الناصر ما كانتش دي افكارهم ... ما كانش هو دة الهدف من الاطاحة بالملك والانجليز من مصر ... اعتقد ان لما كان بيحصل كدة ايام الملك كان اللي حد مبرر انه مش مصري ومش عايش وسط الناس ولا حاسس بيهم ... لكن اللي بيحصل النهاردة دة ما لوش اي مبرر غير اننا رجعنا لعصر المماليك تاني ... يعني 200 سنه لورا .... ا
اقولكم ايه ... اتفرجوا واتخنقوا زيي .... ما انا مش هموت ناقص عمر لوحدي .. اه

2006-11-30T23:09:00.000+02:00

في منتصف الطريق .... وعلي حافة الأمان .. تنتابني حاله لا أعرف كيف أصفها ممكن تكون حاله من الملل من طول المشوار او ممكن تكون حاله من الاحباط من كثرة المصاعب التي تعوقني عن تحقيق احلامي .. ربما كلامي هذا قد يعتبره الكثيرون دعاة الفتاكه والفهلوة انه ينطوي علي كثير من السذاجه وعدم فهم الواقع الحالي ، ولكنني وعلي الرغم من ذلك لا زلت اري في ما اشعر به شعورا انسانيا راقيا ... علي الاقل لا زلت اشعر بشيء ما وهذا بلا شك خير من ان لا اشعر علي الاطلاق ... وهذا من وجهة نظري الخاصه جدا جدا ( حتي لا نقع في محظور تكدير الراي العام او السلام الاجتماعي او .....) انجاز يستحق الاهتمام رغما عن كل المنغصات اليوميه التي تكدر صفو كوكب اخر مش بلد واحدة ... الا اني والحمد لله لا زلت اشعر .... يا لها من سعادة تلك التي اشعر بها ... يا ليتني كنت بنتا الان حتي ازغرط لنفسي علي هذا الانجاز التاريخي ومبروك لمصر علي شاكلة ما تفعله وسائل الاعلام المصري العقيمه علي الفاضيه والمليانه ... ايه ده .. ايه اللي انا بقوله ده ... انا مش عارف انا بقول ايه ... معلش يا جماعه دي حاله طبيعيه جدا بتحصلي علي فترات كدة لما بحس يعني او ... اسف مش بشعر بس بفتكر ان انا بني ادم وليا حقوق كما يدعي الاعلان العالمي لحقوق الانسان .

سحقا لتلك السياسه المتخلفه التي لم تتمكن حتي الان منذ الاف السنين ان توفر للانسان حياه كريمه وامنه .... الحقيقه انا رايي نرجع لحياة الغابه احسن وكل واحد ياخد حقه بدراعه وتبقي كل حاجة علي المكشوف احسن ... افضل من اننا نقعد نخدر في الناس ونقولهم علي راي اخينا واستاذنا الفاضل / صلاح عيسي الدوله المدنيه والحفاظ علي مكتسبات الشعب .... ايه ده .؟؟ تاني ؟؟ رجعت اهيس تاني اهه .. مش عارف اعمل ايه في الحاله دي يا جماعه ؟؟ يعني اصوت يقولوا الراجل اتجنن ؟؟؟

كل حاجة بشوفها او بسمعها او باكلها او بشمها او بلمسها بتقول .. مفيش حد عايز الحكومه دي ولا السلطة دي ولا النظام دة ... ومع ذلك هذا كله لا يهم المهم الكبار عايزين ايه وعايزين مين ... مش حاجه تجنن النبي ،، لا وتسمع الكلام بقه وهما بيقولولك ايه بقه .... الديموقراطيه .... اول رئيس منتخب ... انتخابات مجلس الشعب ..

كل هذا من وجهة نظري هو ضحك علي الدقون ... من الاخر اللي بيحكم مصر يا جماعه قعدة عرب ... ريسها معروف ورجالته معروفين ...والمستفيدين معروفين ،وكل الكلام الباقي ده يا عيني بنج ... ايوه بنج زي بتاع دكتور السنان بعد الشر عنا وعنكم ... لما يحب يعمل حاجة غصب عنك يقوم يعمل ايه ؟؟ ..... يخدرك يديك حقنة بنج بتاع 2 متر .... ماشي ماشي ... طب مشيها بنج بس دلوقتي .. يا عم علشان خاطري برضه في ناس محترمه بقرا ما ينفعش تقرا الكلام ده هنا ... اوك ربنا يخليك يا رب ..

المهم ما طولبش عليكوا قولوا طول ...هو انا كنت بقول ايه ؟؟؟ اه ... البنج ... اولا مفيش حكومه .. طبعا صدمه هه ؟؟ ايوه يا عم دول شوية موظفين بيقبضوا علي قلبهم قد كدة علشان يعملوا اللي المعلم عايزة ويقعدولهم بتاع جمعه ولا جمعتين في الوزارة وبعد كدة باي باي ... وييجي غيره ... ويطلع رئيس الجمهوريه الموقر يقول البيان ايه يقول : يا حكومه ... عايز كذا وكذا وكذا .

مش فلوس طبعا لكن تعليمات وهما ينفذوا او ماينفذوش بقه هما هايقطعوا نفسهم يعني ؟؟

ونقول ونعيد ونتكلم ما احنا في دولة الديموقراطيه ... والديموقراطيه يعني حريه ... يعني نقول زي ما احنا عايزين ... انما برضوا الراجل مش هايعمل كل ده هو حر برضه يعمل اللي يعجبه واللي ما يعجبوش طبعا مايعملوش ... هي يعني الديموقراطيه تيجي عنده هو وتقف .. اما عجيبه يعني ... اما الجميل في الموضوع هو مجلش النهب .... قصدي مجلس الشعب .. الا هو فين الشعب ... يا واد يا علي انده يا واد عيل الشعب اللي عندك ... لا لا مؤاخذه الشعب ده بتاعي انا بقه ... معلش بقه كل واحد حر في شعبه .

مجلش الشعب لا يعبر عن الشعب .

حقيقه لا تقبل الجدال من احد.

الحزب الحاكم بامره لا يملك من اصوات سوي ما يقرب من 30 % من اصوات الشعب ومع ذلك يحكم منفردا ... حاجه عجيبه جدا ومتفرده ... مصر دي فعلا ام العجايب .

المجلس لا يمثل .... والحكومه موظفين .... والشعب مش موجود .. امال انا خانق نفسي وخانقكوا معايا ليه ... هي فين اساسا البلد دي اللي بتكلم عليها ... ييييه ... اديني رجعت تاني للتهيئات ... ربنا يعافينا ويعافيكوا منها ربه

كل سنه وانتوا طيبين

2006-11-11T23:17:00.000+02:00

الأهلي يفوز بالدوري الأفريقي رغم أنف الحاقدين في مفاجئه كبيره جدا وعلي عكس أغلب التوقعات بعد الآداء المتواضع للنادي الأهلي في المباراه الأولي ، ورغم أنني لم أشاهد مباراة الإياب بتونس خضوعا لرغبة الشيخ صالح في أن لا يشاهد المصريين المباراه الا من من خلال قنواته .

وفي الحقيقه تشغلني كثيرا فكرة الإحتكار التي طالما تحدثنا عن مقاومتها وفي نفس الوقت نقبل اشياء اخري هي في واقع الأمر تكريس واضح وصريح لفكرة الإحتكار ، ماذا يعني ان يحتكر الشيخ صالح وحده حق بث مباريات الدوري الافريقي والعربي هذا امر بالفعل غير مفهوم .
أولا الاصل في مباريات كرة القدم هو الجمهور وبدون جمهور ليس هناك كرة قدم بالمعني المفهوم ، وما يحدث في السنوات الاخيرة في مجال بث مباريات كرة القدم هو ابعاد متعمد للجمهور عن كرة القدم .
لا تقولوا لي والنبي اصل هي دي لغة العصر ولازم نعمل زي الاجانب علشان نبقي حلوين .
مفيش مباراه في العالم بتحتكر علي شركة واحدة دة امر عجيب وغريب .
واللهي الذي لا اله الا هو الراجل اللي اخترع حقوق البث دة اصلا لو كان يعرف ان العمليه هتبقي كدة بيتهيألي ماكانش اخترع الموضوع دة اساسا .
يا جماعه لازم وقفه ..... لازم نقول للراجل دة مش ممكن تشترينا بفلوسك يا عم انت .... الدنيا كلها بتذيع اجمد البطولات من غير الذل ده ..... ده الدوري الانجليزي اللي هو الدوري الانجليزي مش بيتعمل عليه كده..
اعتقد في نهاية الامر ان في دور علي القنوات الفضائيه العربيه انها تتحد وتحاول تشتري حقوق بث المباريات الشهيرة والهامه للشعوب العربيه ... واعتقد ان ثمن الاعلانات هايكون مش بطال .... يا جماعه واللهي اللي بيحصل دة منتهي التخلف .... ومبروك لناديا العزيز .. والي الامام دائما يا اهلي

2006-11-05T20:23:00.000+02:00

أجدني في واقع الأمر منشغلا كثيراً بهذا الوطن الذي لم يكتب له من قرون عديده أن يعيش مواطنيه حياةً كريمه كما حث عليها الإسلام وكل الديانات في الحقيقة .. ليس فقط الحضارة الغربيه .
علي أي حال ... ليس هذا عيبا من وجهة نظري ان انشغل بوطني .. مصر .. وليس الحزب الوطني ، الذي أجدني علي خلاف الكثيرين مشفقا عليه مما آل اليه وما ستئول اليه احواله لانني اري مستقبلا غير سعيد لهذا الفكر الديكتاتوري الا التحلل والانزواء كما علمنا التاريخ ... الا انني اليوم لم اكن اريد الحديث عن الحزب الوطني ومشاكله ولكني يشغلني امر اخر ...
اندهشت كثيرا في الفترة الاخيرة من حجم الاحداث التي اري فيها كثيرا من ملامح المرحله الحاليه التي تمر بها مصر في منذ عدة عقود ، حدثت اشياء كثيرة في الفترة القليله السابقة ... الا انني لن اتحدث عنها كلها ولكن بعضها واهمها :

ــــ البرنامج .... نعم البرنامج ... ليس تليفزيونيا ... بل هو سينمائيا في الحقيقه ... انه البرنامج النووي المصري الذي ظهر فجأه انه الملاذ الوحيد والحل الذهبي لأزمة الطاقه المصريه التي تتظرنا بعد فترة من الزمن ... ليس في البرنامج النووي المصري عيبا لا سمح الله .. ولكنه توقيت الاعلان عن هذا البرنامج الذي طرح في عقول الكثيرين تساؤلات عنيفه حول هدف اختيار هذا التوقيت ومدلوله ، قرات مقالا بجريدة الحياه اللندنيه ... تتحدث عن توازنات معينه في المنطقه أدت بالولايات المتحدة الامريكية للبحث عن شريك شرق اوسطي له ثقل اقليمي وعلاقات قويه علي دول المنطقه لاحداث شكل من اشكال التوازن في مواجهة الخطر الايراني عي المنطقه ، لا يشغلني كثيرا ذلك التوازن اذا كان مصريا خالصا ونابعا من ارادة مصريه مبنيه علي تحقيق مصالح مصريه بحته ، ولكن ما آلمني في الواقع هو مدي الضعف الذي وصلت اليه السياسه الخارجيه المصريه والثقل المصري الاقليمي الي الحد الذي أدي الي ان نكون مجرد اداه يعبث بها الامريكيون لتحقيق اهدافهم .

ــــ ماحدث في العيد في قلب القاهرة وامام سينمات مصر العريقه التي شهدت فنا يفخر به ليس كل مصري .. بل وكل عربي .
هذا الانفلات وابطاله من الشباب المصري المنحل اخلاقيا ... والذي كان مظهره محاولة العبث ببناتنا واخواتنا ممن كتب لهم قدرا ان يمروا من اما هذا المشهد ... لا أراه في واقع الأمر الا نتاجا وشاهدا ، نتاجا لكل السياسات الخاطئه علي مختلف المسارات ( الإقتصاديه ـــ الإجتماعيه ـــ السياسيه ـــ .....) داخل مصر في العقود القليله الماضيه
اليس هؤلاء الشباب هم من يجب ان يبنوا الحضارة المصريه .. ان جاز لنا استخدام هذا النعبير .... اليسوا هم من يجب ان يعملوا ليغيروا شكل الحياه في مصر الفترة المقبله ...
انا استطيع ان اري الان مستقبلا لبلد هؤلاء شبابه ... اعتقد انه ليس مشرقا علي الاطلاق
هؤلاء الشباب العاطلين عن العمل ، او اللذين يعملوا باجور زهيده لا تكفي ثمن " أكرة" باب في شقه من المفترض ان يؤسسها لحياة زوجية مفترض ان يصل لها كل انسان ... سوي ... عامل ... منتج
هذا الانفلات الذي لم يكن هناك من يردعه والذي حدث في شكل مسلسل علي حلقتين في يومين متتاليين .. لم يجد من قوات الامن من يوقفه .. لابد انهم كانوا مشغولين بمطاردة الاخوان المسلمين .. والنشطاء السياسسيين ... ونشطاء حقوق الانسان الذين ليس لهم ذنب سوي انهم يكشفون عورات هذا النظام المتهالك
اعزائي رجال الامن .. ليس هذا دوركم ... دوركم هو الحفاظ علي امن المواطن المصري البسيط الذي يشكل 90% من سكان مصر ، وليس الحفاظ علي أمن نظام بطله شخص واحد او شخصين او حتي ثلاثه

ـــ تعديل المادة 76 من الدستور والتي تحدد طريقة انتخاب رئيس الجمهورية في مصر كان املا لكل مفكر ومثقف ومواطن مصري شريف ، ولكن عندما "وافق" الرئيس المصري علي تعديلها لم يفرح الناس .... وأدهشني ذلك قليلا ؟؟؟!!
الا انني لم افرح مثل كل الناس والسبب بلا جدال هي تلك الطريقه التي تدار بها الامور في مصر ... طريقة الولايه التي عفا عليها الزمن ... لا نريد أحدا وليا علينا يختار بالنيابه عننا ويغير في الدستور كل يوم وفقا لمصالحه الشخصية سواء بالنسبه للرئيس او لخليفته ، مسألة ان مصر كلها باحزابها ومؤسساتها و 76 مليون مواطن مصري تختزل ارادتهم في شخص واحد فقط ـ بغض النظر عن ماهية هذا الشخص ــ هو امر مخزي بلا شك لا يغيره الا الاعتراض بشتي اشكاله حتي اذا وصل ذلك الي حد العصيان المدني الذي تحدث عنه هذا الرجل الشريف د / أحمد كمال ابو المجد نائب رئيس المجلس القومي لحقوق الانسان ، علي هذا الشعب ان يتحرك .... ان يثبت للتاريخ انه يستحق حياةً افضل ونظاما افضل والا فلا جديد ومن اعمالكم سلط عليكم ...
ما قصدته من سرد تلك الاحداث الثلاثه ليس تكرار ما مللنا سماعه ... ولكن تصور لفشل النظام المصري
داخليا - الانفلات الامني في قلب العاصمه

خارجيا - التبعيه المخزيه للأرادة الامريكية

سياسيا - حكم الفرد الواحد لا ينتج الا فسادا
ولكي الله يا مصر يا حمالة الاسيه
وللحديث بقيه .... ان كان في العمر بقيه